約阿希姆‧邁雅 刺劍 Joachim Meyer Rapier
- Mazoo Ma
- 5天前
- 讀畢需時 15 分鐘
八架式
Oberhut，上式，為斬，左右，舉高劍尖指後。
Gerade Oberhut，中上式，為斬，正中，劍尖指前，劍舉至面高。
Ochs，閹牛式，為刺，左右，舉高劍尖指前。
Underhut，下式，左(Wechsel)，中，右(Nebenhut)，劍坐低指前，正中就劍壓最低指前。
Eisenport，鐵門式，左中右，劍柄係膝，劍尖指上前。
Pflug，犁式，左中右，劍格平，姆指握，坐最低，劍尖指人肚，手伸出。
Langort，長點式，高中低，劍伸直，手同肩同高，雙腳闊度適中，闊度同目標高度成反比。
Gerade Versatzung，直擋式，介乎Langort同Eisenport之間，手微曲指前，劍指人面，身傾前。
11 斬(頭頸手跨腳，壓斜防圓雙重)
Schedelhauw/Oberhauw，舉劍去面高就夠，要指前。同埋注意要以割握法去斬，有個角度，咁斬完刺出去會更快，但變左每一斬都要膝屈前，成個人跟住沉哂落去，直到劍打平。Vor︰佢Eisenport貼佢劍斬，走側抽劍再貼劍大斬，要以割斬。Nach︰佢Eisenport斬你，你收前腳去後腳，劍舉到面高，踏前斬佢頭。
Dempffhauw，佢Eisenport，佢舉你舉，佢右斬你走佢左，斬佢右膊，成個人大步沉低，手伸直，佢愈低斬你就坐愈低，柄頭就掂地咁，而且係以Eisenport去斬，係斜指向上。
Schielhauw，佢舉，你向外走，用短刃或劍面落佢強位，未斬到就接刺，刺要轉返長刃向下變Langort。
Wehrstreich，直斬身就叫返Zornhauw，交叉連斬就Kreutzhauw，注意斬擊都係以割法去斬，為刺，而且膊頭要同斬位同高，所以跟高度郁。
Hüffthauw，扮斬佢左耳，轉短刃Fehlen直落佢跨。
Rundstreich，上左Ochs，上步左平斬兜落佢大腿。
Doppel Rundstreich，右斬佢面，唔掂抽後去左Ochs，沉頭左平斬佢肩，唔掂抽上再兜落斬佢大腿。頭兩斬細步，第三斬大步。
Halßhauw，佢攻，三角步走佢左，用劍面拍佢強位，再上多步平斬佢頸。
Fußhauw，佢太高，或Dempffen低左佢，或打飛佢劍，先可以斬小腿。
Handthauw，佢斬你腳，你閃腳斬佢手。
Doppelhauw，佢斬你左，你平或低斬擋，Winden 短刃向內壓佢劍，再長刃斬佢面，柄抽高，你行佢右，劍兜佢再手斬佢頭。
三種基礎刺，高刺(Ober stich)，低刺(飛刺，Fliegender Stich)，平刺(普通Langort行前刺人)
高刺(舉腳版)：
左腳前，全指向右，微曲，右腳舉，曲起，劍舉係耳後指前，之後轉體發力，向前大踏步，借埋向下嘅力，向前刺。
8 刺 (面喉心撚，反雙扮飛)
Gesichtstich，刺面。你左Ochs，佢刺你右，走左一步直刺佢面。
你右Ochs，佢直刺，你走左左腳接右腳上，劍拍去左Ochs，係佢直刺右手上刺佢面。
Gurgelstich，刺喉。佢Eisenport ，你走左扮左高刺，佢擋右，你兜下由下刺佢喉。
Herzstich，刺心。佢右斬你，你右腳大走佢右右斬強位頂，bind住劍尖刺佢左胸，佢抽你就Wind返落去割走佢劍。
Gemechstich，刺鼠蹊。佢斬你右腳，Unterhauw斬左擋佢低斬，再刺。
佢刺，你低吊擋開再刺。
Verkehrter Stich，佢Eisenport ，你長刃向左刺佢右，佢擋走就轉腕由下拍上，
Doppel Stich，佢Eisenport，貼劍柄低刺上佢頭，佢推高就推高柄變高向低刺。
刺佢身，佢擋就轉短刃入，走佢手下再schnappen去返左Ochs，走左刺佢面。
走三角步去右刺佢面。
Verfierte Stich，扮左Ochs大高刺，再踏大步轉低平刺佢肚，經過Rose。
佢Eisenport，扮刺佢內入面，schnappen轉去右Ochs，扮刺佢外，轉刺佢內。
Fliegender Stich，核心刺法，雙腳唔會太開，有位踏，刺手臂伸直伸盡，刺佢最估唔到嘅位，高速刺出去，之後同速度收返，踏後，收返去低Pflug。
斬刺轉換︰
斬轉刺（同Dussack Weckerhauw)：斬Zornhauw ，中途轉短刃入，直到你短刃轉夠，先再繼續推個柄入。類似拋劍尖曲線入咁。
Mittelhauw同Unterhauw都一樣。
刺轉斬：你高刺，佢擋，你就舉高少少柄，再斬佢柄旁邊。
你直刺，佢擋，你抽後裹頭再高或低斜斬。
欺敵：
以劍，攻佢，佢擋就轉移攻另一邊。
以身，靠視線去威脅佢，迫佢移你再Nachreisen。
要熟Reitzer ，Nemer，Treffer系統RNT
你引係為引佢離開優勢去攻，你Nemer咗，就削弱佢，係佢回復前就入佢。
用視線位置，舉腳，皺鼻，扮高刺再轉。
扮上步斬腳，望腳，再上刺面。
保持距離，扮投入斬人，但全程保持控劍，引佢Nachreisen ，再Nemer，再入佢。
8 格擋
Absetzen 格開，走側用Langort長刃接佢斬或刺，一接就刺，四邊都得。
Abschneiden 割開，佢舉劍斬，你都舉再割低，你柄要至少低到膝頭，尖指上，兩邊斬得。
Dempffen 壓制，佢舉你舉，你雙腳都走側，直斬坐低，斬強位，你上半身要傾前，膝要曲，你刃要向下，直手肘。佢抽走就再跳去另一邊再斬。
Durchgehn 入擋，Durchwechlsen再Abschneiden。
Verhengen 吊擋，走側用劍面擋。
Sperren 閘住，係Eisenport比佢斬小腿，你劍指下擋。
Außschlagen 下掃，佢斬或刺你下半身，你縮腳再向下斬開。
Außnemen 擊飛，用短刃向上擊飛，再轉返Ochs刺。
講黐劍Binden
Durchwechlsen：
你攻，佢擋果時你劍尖係下方兜過
你擋，當佢太高斬、斬你劍、唔夠向你身，你擋果時就收少少前腳，劍尖兜佢下去另一邊，刺返佢斬過蒞果邊，係佢上返蒞之前。
Umbwechlsen（冇解釋）：雙方劍尖指上，方便上抽走。
Nachreisen ：如果佢移緊劍去另一邊，就刺佢原本個位，佢會即刻扯去擋，你就再刺返你原本移緊個位。你刺到佢，或佢攻果時，你即刻轉長刃對返佢劍。
唔離Binden嘅Nachreisen ：佢離Binden 就刺佢，轉長刃對佢。
Binden：黐劍
Zucken ：抽劍
Winden：黐劍保持壓力，轉短刃刺佢，如果佢擋或推走你劍，你Durchwechlsen 刺佢另一邊，同時後踏去另一邊。
如果佢唔擋，而係刺返你身，你就轉長刃同柄下壓返佢刃，手掌向外，向外踏同時刺佢。
Stücke(計劃，Play)
Abwechseln︰係四個架之間轉，用割法經斬線，幾時都要指前，佢攻你就長刃割走佢。
Gerade Versatzung
Nach,接左劍。佢攻你左，你用強位轉長刃同柄擋，同時後腳走側，接到就即刻右腳入直刺佢，可黐劍可唔黐，刺完轉返長刃對佢劍，去返Gerade Versatzung。
Nach，接右劍。佢攻你右，用長刃直手擋，左腳走左，接到就轉右Ochs，上步大力直接佢右。
Nach，佢喪斬。等佢斬到冇優勢，你就Abschneiden佢，佢右斬你就右斬佢膊頭，Schnappen去你左Ochs再刺。斬同刺都要有力，上半身要前傾膝要屈，咁迫佢出空隙。
Nach，擋下攻。佢Unterhauw或下刺你，你三角步走相反方向，刺佢面。
Nach，擋下位攻。佢攻你劍下入你身，你Sperren擋，再走雙側去佢右，刺佢手下入身，再上返你左膊斬Wehrstreich，斬到右低架，上返Gerade Versatzung退。
規則︰逢佢斬你小腿，你最多縮到你後腳，同時直刺佢面。佢刺你低過你腰帶，你就可以刺佢面。
規則︰你擋接刺佢面，佢打走你把劍，你再走佢出劍果側，借佢打你劍道力，轉Schnappen上Ochs，再刺佢。
Nach，擋完刺Durchwechlsen。擋完還刺，如果距離夠遠，就兜佢手走側刺。
Nach，擋完刺Zucken。擋完還刺，扮Durchwechlsen再刺返原本個位。
Vor，主動壓劍再Binden Nachreisen。佢Gerade Versatzung，你壓佢劍中間，佢抽劍你就Nachreisen。
Nach，接完斬。佢攻你，你右腳走佢出斬果邊，用強位接，抽起裹頭斬佢果邊，斬到落低架，上返Gerade Versatzung退。
Nach，Dempffen下斬再斬。佢下斬，你跳另一邊側再Dempffen落佢強位，壓係腰帶高度下，再斬佢面。如果你壓唔住，用力向外頂，佢舉緊高你就下斬佢面，再Kreutzhauw走。
Nach，Dempffen下斬，壓唔住再刺。佢舉高你刺佢胸，再用長刃接佢。
Vor，兩下Mittelhauw再高刺。右Mittelhauw斬到盡，第二下左平斬上左腳走側，上右Ochs，再踏前傾盡哂高刺，再快手上返Gerade Versatzung。
Nach，Dempffen佢喪斬。佢舉，你都舉，同時跳去另一邊，再直斬佢膊頭條線，柄壓低稍微低過刃，直手，上身傾，坐大步，曲膝，斬唔中佢膊頭都會中佢強位。Dempffen佢三次一定會手軟。呢種做法係好，但係非常難。
規則︰為防好手會抽劍，佢唔會打中你擋。擋果時唔好郁距離中心點超過一手掌闊，所以如果擋唔哂，就郁你上半身，走側，閃頭遠離佢劍，用你個柄做盾牌。如果佢刺好低，你就要成個身壓低，除非你有準備野做。
規則︰ 擋果時，劍指佢面，用長刃接。如果佢抽，你唔好抽柄，而係轉你長刃繼續刺入，走側，用個刺擋。佢Zucken或Durchwechlsen都會令佢短咗，除非佢係高手，咪先都會中。
Nach，閃暴力斬。佢暴力斬，你前腳退到後腳，劍抽到佢出劍側，係佢回防之斬佢。
Vor，破佢係高右架等。佢高右架，你長刺佢肚，佢劍下擋，你就Durchwechlsen ，跳去佢右，係佢手上刺佢面或胸，再吊劍去你左膊，左Wehrstreich再退。
同上，或扮大揮空落你左，佢刺你就大閃去佢右由佢手上刺佢。空揮後直接Wehrstreich都得，再裏頭攻佢右。
Vor，佢太左低。突刺佢右上，再左斬佢大腿，去你右低架，再斬去左低架。
Vor，佢太左側。走佢右斬佢右手上入頭，之後兜下刺佢肚，再上返Oberhut斬低佢，如果佢攻。
Vor，佢太右側。直刺佢胸，佢擋，你轉短刃左Krump低佢，再左斬佢右面，Schnappen上右Ochs，刺到去你左Unterhut。
Vor，佢太右側2。你大斬佢左，中途斬轉刺，再轉刺向下吊，佢刺你，你就扯吊劍去你左膊，成個身轉哂左側，打走佢刺，走雙三角步去佢左，斬佢面去你右Unterhut，上返Langort走。
Vor，破佢Gerade Versatzung1，斬腳1。細斬佢腳，扮空哂，引佢伸直手刺，易左打走就向上打走佢劍，再刺佢。
Vor，破佢Gerade Versatzung2，斬腳2。細斬腳，閃側同時刺佢面。
Vor，破佢Gerade Versatzung3，拍劍。係佢劍上直刺面，柄扯去你左上，用外劍面拍佢劍，再大步走左左斬，再右斬去右Unterhut，跳走刺返去Langort。
Vor，破佢Gerade Versatzung4，斬中間。用Gerade Versatzung接近佢劍中間，你直手上右Oberhut，突然大力斜斬落佢劍中間，上步去到你左Mittelhut，再斬佢右上你右Ochs，大力刺到落左Unterhut，再上返右Ochs。
Vor，破佢Gerade Versatzung5，用Hangen拍走。你都擺Gerade Versatzung，擺高，用劍尖向下Hangen打走佢劍，大步走佢右，上左Ochs，但唔好太高，刺佢面。打走走側再刺面要夠快。
Vor，破佢Gerade Versatzung6，發勁打走。發勁打走佢劍，你劍唔好跟住走，要直刺佢面，佢擋，就斬佢前腳。
Vor，破佢Gerade Versatzung7，用斬引佢郁。佢堅持唔郁，就交叉斬佢柄下，佢刺就斬走再入佢。
Ochs
Vor，Ochs走側刺。佢Gerade Versatzung，你上右Ochs，走右三角步，轉長刃對佢劍，刺佢面同時閃佢刺。
Nach，對角Abschneiden 。你Ochs，佢由右攻你，你走佢左側，Abschneiden 斬到你左Unterhut，佢回防前攻佢面。
Nach，Verhengen1，接Dempffen。佢刺你，你走側Hangen打走佢刺，裹頭走大步直落Dempffen，柄平行地下，再刺。
Nach，Verhengen2，左高刺。擋完上左Ochs，閃開再左高刺。
Nach，Verhengen3，扮左高刺斬腳。扮左高刺，上右腳去佢右，斬佢大髀，再右斬到你左Unterhut，斬返上右Oberhut。
Nach，Verhengen4，轉身刺。Hangen打走佢刺，左腳走三角步，轉身背住佢，Verkehrter Stich刺佢肚，再正面轉返面對佢，轉腕斬佢頭，同時右腳踏返後，再去返右腳前正常架。
規則︰佢下或正面攻你，你收前腳去後腳，斬或刺佢伸直左嘅手。
Nach，高版Außschlagen。你Ochs，佢刺你下或直，你左腳走佢右，你轉劍尖向後，由左向右吊斬走佢劍，你右腳再走多尐佢右，抽劍裹頭去你左，係佢劍回防前，你右斬佢面或手，斬到左Unterhut。
Vor，高刺完Krump。左腳上，右高刺向下轉去左Ochs，佢刺你就用短刃向下打走，右腳再走佢右，高刺佢面，右腳再大步上，刺到去左Unterhut。
Vor，高刺完閃。轉完去左刺，佢刺，你右腳去佢右，左高刺佢面，轉長刃對佢劍，同時頭閃開。
Nach，Sperren刺。佢斬你腳，你走相反方向側，擋佢斬，再由下刺佢身，再Kreutzhauw走。
左Unterhut
Nach，Außnemen1，接刺。佢刺你頭，你Außnemen打走，轉Schnappen上右Ochs，上步刺佢，轉返長刃落。
Nach，Außnemen2，斬腳。佢刺你頭，你Außnemen打走，右腳上佢右，斬佢大髀，落右Unterhut，斬多個Zornhauw落返左Unterhut。
Nach，Außnemen3，接刺轉斬腳。佢刺你頭，你Außnemen打走，轉Schnappen上右Ochs，上步刺佢，裹頭抽返去斬佢左，右斬佢前腳大髀，再左斬Wehrstreich。
Nach，裹頭Dempffen1，接刺。佢攻你右，你走佢右，劍走你背，大力Dempffen落，刺佢面去Langort。如果佢低刺你，你走Abschneiden去返左Unterhut。
Nach，裹頭Dempffen2，Durchwechlsen刺。佢攻你右，你走佢右，劍走你背，大力Dempffen落，刺佢面，佢擋，你Durchwechlsen兜佢手下刺。
Nach，Unterhauw擋。佢刺你，你右Unterhauw打走，黐到劍就轉短刃抽高柄頭勾低佢劍，斬佢前髀。
Nach，Durchgehn。佢刺你，你劍兜底，由左去右，再抽返上左打走佢劍，再刺佢胸。
Nach，Außnemen接斬肚。佢刺你，你用力打飛佢劍，上到Oberhut，係佢回防前落返斬佢肚去左Unterhut，再走佢右刺佢面。
Nach，所有擋刺法。佢高刺，你就下斜抽上，用長短刃或面。佢低刺，你就斜斬落返右下，都係長短刃或面。
左Oberhut
Nach，閃佢右刺面。佢刺你，你閃佢右，刺佢面，轉長刃對佢劍。或Absetzen 完先再刺。
Nach，Winden刺。佢刺你，你大力刺佢右手，中途轉你柄上你右，轉佢把劍去你右，你再刺佢胸，轉返你柄同長刃去你左。
Vor，類Gurgelstich。刺佢手上入佢面，Durchwechlsen去你右，刺佢胸。
右Unterhut
Nach，走側回刺。佢刺你，你三角步走右，轉長刃對佢劍，同時刺佢，刺中就抽高，斬返落佢劍中間，大力打低佢，佢回防前刺佢面。
Nach，Abschneiden。佢攻你左，你上右落Abschneiden，佢回防前刺佢面去Langort。如果佢同時刺你肚，用內劍面Außschlagen由左至右打走，同時左腳走佢右，抽柄去你左，右腳再走佢右，再攻佢面或手。
Nach，Durchgehn刺。佢高刺你，你由左至右Durchgehn，刺佢面。
Nach，Durchgehn斬。佢高刺你，你由左至右Durchgehn，大步走佢右，再斬佢面。
Nach，所有擋法。Abschneiden擋哂斬同刺。佢攻你右，你就Durchgehn。攻你左就Abschneiden。
Vor，破Gerade Versatzung。佢Gerade Versatzung，你劍尖向下，轉長刃向上，由下向上斬佢劍中間，裹頭由你右Mittelhauw大斬佢面，去你左再大步Dempffen沉落去，直刺佢，轉長刃對佢劍。
Vor，吊劍拍Gerade Versatzung。佢Gerade Versatzung，你走左，抽高轉Hangen用內劍面拍走佢劍，再走左刺。
Nach，用Unterhauw斬走。佢高攻你，你右Unterhauw斬走，裹頭再右斜斬，去左Unterhut，佢再攻，你再左Unterhauw，再左斬面。每次斬都要大步，身傾前。
Vor，做Durchwechlsen。佢Eisenport，你扮直刺入，佢擋，你就Durchwechlsen轉另一邊刺。但佢見你刺，如果你刺同轉得太急，佢就好快轉埋另一邊再擋。所以你Durchwechlsen另一邊，見佢擋，你就中途轉刺佢肚，再抽返去右邊Kreutzhauw。如果佢見你Durchwechlsen就直刺破你，咁你就直手頂高柄，再反刺佢。
Nach，舉高斬走。佢舉劍想攻，你都舉去右上，佢攻你就大力斜斬走佢劍，再刺佢面。
Nach，舉高斬走轉斬腳。佢舉劍想攻，你都舉去右上，佢攻你就大力斜斬走佢劍，斬到去你左，佢想回防擋你刺，你就壓身斬佢腳，再Wehrstreich走。
Vor，引再用Hangen拍刺。你刺佢左，未到就抽去你左Unterhut，佢即回刺，你就伸直手向前，轉腕由右至左咁Hangen拍走佢刺，再Schnappen上返左Ochs，同時走佢左刺佢面。
Vor，引再用Hangen拍斬。你刺佢左，未到就抽去你左Unterhut，佢即回刺，你就伸直手向前，轉腕由右至左咁Hangen拍走佢刺，裹頭右斬佢面左，去到你左Mittelhut，再閃去佢右，左斜斬佢面，Schnappen上返右Ochs再刺。
Pflug
Nach，由下向上用劍面拍。姆指握，劍格平，放右大髀側，手伸直，劍尖指佢面，身壓下同前。佢刺，你劍尖指佢身，轉你柄去你右，由下向上用外劍面拍走佢刺，劍尖落佢柄旁，兜去另一邊刺，刺同時轉返落左Pflug。
Nach，Durchwechlsen。佢攻你，你轉柄去你左，用外劍面拍走佢攻，Durchwechlsen去佢手臂上，推高你柄刺佢胸，轉返落左Pflug。
Nach，Absetzen。你面同身明顯前傾引佢刺，佢刺，你外劍面用力轉去你左，Absetzen佢同時劍尖指住佢，轉柄入佢柄旁刺佢胸，轉返落左Pflug。
Vor，左Ochs Schnappen連刺。你左Pflug，佢轉Eisenport或Gerade Versatzung，你貼佢劍刺佢面。佢擋去佢右再刺你，你Ablauffen轉走再Schnappen上返左Ochs，大三角連步走佢左，再左刺佢胸。佢擋去佢左，你短刃轉左，Krump佢劍去你左，再Schnappen上左Ochs，再大跳去佢右，再係佢手臂上左刺佢面。
Vor，高刺轉低刺。佢Eisenport，你入內側刺佢面，同時劍用力壓佢劍去側邊。佢抽高柄擋，你都抽高柄同時轉劍尖向下刺佢肚。
Einlauffen 衝入
Nach，衝入刺。你右Pflug，佢斬，你用劍面指高Absetzen擋，再大步去佢右側，你頭打側，衝入佢劍底，你再轉刺入佢。Meyer話可以再用Absetzen擋，但係用利劍佢就死撚咗。
Nach，衝入水平擋奪劍1，扭手。你左Pflug，佢攻你上，你水平舉高擋，劍尖指佢右，劍柄向佢左，你左腳大踏前，入佢劍底，你左手反手捉佢劍柄，扭向佢右。佢唔放手，就用柄頭打佢關節。
Nach，衝入水平擋奪劍2，扯柄頭。你左Pflug，佢攻你上，你水平舉高擋，劍尖指佢右，劍柄向佢左，你左腳大踏前，入佢劍底，你左手扯佢劍個柄頭，同時你劍壓佢劍。
Nach，衝入水平擋奪劍3，轉身扭手。你左Pflug，佢攻你上，你水平舉高擋，劍尖指佢右，劍柄向佢左，你左腳大踏前，入佢劍底，你轉左邊身對住佢，背對左邊，你左手捉佢右前臂，如果佢向前仆，就用柄頭頂佢手踭彎位底，扯去你右邊摔佢。
Nach，空手奪劍。你冇劍，你雙手交叉，右手係左手上，佢攻你，你閃開，你趁佢舉返高你就衝入去，就用交叉手捉佢右手，再扯去你右邊，你左手捉佢手臂，你右手反手捉佢劍柄，向外同下扭。如果佢舉劍果時你衝唔切入，佢斬你就用相應手臂去打佢強位，愈近柄愈好，寧願比佢斬傷手臂都好過比佢走甩。入到，就用其中一隻手反手扯佢手去你果邊，另一隻手就扯佢劍柄。
總結
基本策略︰
你係Nach︰用伸直、硬咁擋，係佢完哂或回復前，接完攻返佢出劍果邊。(Nachreisen)。兩邊你都可以用上，斜，下三條路線去攔截(Nemer)佢。
你係Vor︰你係三條路線，用最安全嘅攻擊去斬。你攻佢一定會令自己出現破綻，佢擋到就會入返你。所以你一定要用第一下去引佢攻(Reitzer)，之後佢攻你比佢果個位，你擊打或打飛(Nemer)佢劍，等佢比你削弱夠，你先入佢破綻。
分辨四種劍手同相應破法︰
第一種，暴力同愚蠢(壞Vor)
破法︰佢鳩攻，你用強位擋，唔好擋到太出，盡量係你面前Langort，每次擋你個頭都要遠離佢把劍，擋到佢斬失，你就入佢。只要你專注係攞返優勢，佢愈鳩攻，你愈易令佢出破綻。
第二種，精巧同銳利(好Nach)
破法︰用Abwechseln破。佢唔攻先，你就由Unterhut扮轉上Oberhut，但未轉哂中途就轉伸手斬佢最近破綻。佢會立即攻你暴露嘅破綻，而你就Absetzen，再做野。如果佢冇即斬，咁你斬完就接大力刺。
第三種，明智同狡詐(好Vor)
破法︰你Vor，你安全地攻佢劍或身，Reitzer佢離開架式優勢先，到佢做野你就Nemer走佢，先再入。走果時做返個Kreutzhauw。你Nach，你就Nemer足佢兩次，你覺得削弱夠佢，你先快速反攻佢，再回防斬。
例子︰你Eisenport，你斬佢右膊，斬落右Unterhut，露出你上半身。佢即刻刺你，你由右至左大力Außnemen去你左，再Mittelhauw佢面，裹頭再斜斬佢右膊，再斬佢左膊，去你左Unterhut，又Außnemen去佢右，裹頭去你右Ochs，刺佢面。
第四種，被動蠢人(壞Nach)
破法︰用返之前嘅Vor Stücke對付就得。
刺劍同匕首 (Rappier und Dolchen)
基礎架式︰右手攞刺劍擺Eisenport，右手係前，左手攞匕首係後，雙手都伸直，坐低，後腳伸長，身前傾。
四種擋法︰
一，淨用匕首擋。無論邊一面你都用匕首擋。
二，用相應方向擋。佢攻你一邊，你就用果邊嘅擋，用另一把攻返佢。
三，兩把都幫手擋。接左，另一把幫手壓。
四，兩把交叉住擋。交叉接，匕壓住，劍再攻佢。
淨用匕首擋
擋左刺1。佢刺你左上，你舉匕擋，劍走匕下刺佢。
擋左刺2。佢刺，你舉匕擋，你右斬佢小腿，匕仲頂緊，你睇佢破綻去再左斬佢高或低。
擋左高刺3。佢刺，你匕擋，你掌心向外，劍刺佢手臂上入佢面，舉高你柄到你貼你左手，再左斬前腳。
擋左刺4。佢刺，你匕打去左你左，高刺佢面，佢想用匕接，你見就抽劍刺佢肚。
擋左刺5。佢刺，你匕由左打去右，由用匕斬佢右膊。如果佢低刺你左，你匕就向下吊打去你左，你劍再攻佢。
用相應方向擋
擋右刺1。佢刺，你用劍擋，左腳行前，用匕刺佢手。
二把都幫手擋
擋右刺2。佢刺你右，你用劍接，左腳上同時用匕落佢劍，右手劍係左手上刺佢，要夠快。或者用其他方法都得。劍刺完佢就左腳踏返後，保護返自己。
擋右刺3。佢低刺你右，你Sperren擋，劍刺佢面，同時左腳上，匕落佢劍，刺完你舉高柄，匕保返你面前，你劍再用短刃由下而上斬佢，同時右腳上。劍裹頭去斬佢左，佢用匕擋就抽後再刺，全程你匕都係你面前。
有五種刺法，左上、左下、中、右上、右下，視乎情況，可能係匕上或匕下。另外有五種斬法，斬頭、頸加膊、手、跨、小腿，可以以直斬，斜斬，交叉斬或下斬，兩邊都斬得。
對拆 Stücke
Vor，水平上擋接斬腳。你右腳上，劍割向佢面，匕保你面。咁引到佢攻你，你就用長刃或劍面，水平向上去你匕外，打佢劍向上，撞果下你左腳去佢右，係你匕下佢手臂上刺佢面，轉返長刃對你左。佢擋到，你就轉斬佢右腳落到你左Unterhut，匕繼續保住你，變左交叉手，你左腳走後，劍伸返前。
Vor，左斬接匕刺。沉低你匕，劍裹頭斬佢右膊，匕水平上返你面前，再大刺佢肚，上左腳。佢擋你匕，你就抽返你匕去你左，你用劍面係你匕下由左至右大力拍走佢劍，再刺最近嘅破綻。
Nach，用劍大力斬同壓。佢右刺你，你用匕擋向下，刺佢面，佢用匕擋，你就Durchwechlsen去佢雙武器間刺佢身。佢擋到，你就抽劍，再高刺佢，同時壓低佢雙武器去你左邊，你匕就抽去你左唔好阻住自己。你用短刃斬返上去佢右，去你右，同時左腳踏前，用匕壓佢劍，再用匕刺佢。
Vor，斬Zucken轉刺。佢守好硬，你大力斬佢左膊，佢用匕擋，你Zucken抽劍，再低刺佢身。
Nach，交叉夾劍。你匕放左Oberhut，劍右Unterhut。佢刺你，你劍由右伸到Langort接，再用匕由左伸到你右手上，壓佢劍，再轉匕尖指返住佢右膊，交叉夾佢劍。你左腳走佢右，將佢劍推向你右，再壓住佢劍咁刺佢身。劍Durchwechslen去返你左，Wehrstreich斬返佢右，用匕護返你個人。
Nach，匕係身後匕Durchgehn。你劍係你左Unterhut，匕係你左身後。佢刺你面，你用長刃擋，再用匕Durchgehn由右至左大力撥走。劍高刺佢面，再Zucken，大力刺佢身。
Nach，斬轉上Ochs。你劍係左Unterhut，匕Langort係面前。佢刺你，你劍大力打走佢刺去你右，你右腳上大步，身傾前，係你匕下劍斬佢小腿，匕保持係你面前，劍同身去返原位。佢再攻你，你斬佢右去你右，匕都仲係面前，劍上返你右Ochs，大力刺佢，長刃轉下去左Unterhut，右腳踏後，Wehrstreich佢右膊走。
Nach，左腳前。你Wehrstreich完佢右膊，你左胛前，劍係右Unterhut，匕係面前。佢刺你面，不論左右，你用匕嘅長刃接，你再舉劍由下至上幫匕一齊擋，再劍係匕下刺佢肚。如果佢劍刺你下，佢匕上擋，咁你匕由上至下擋佢劍，再斬佢左耳，黐之前係你面前劍轉Fehlen再係佢匕下斬佢右膊。
總結︰
建議德國人(約阿希姆‧邁雅係聖特拉斯堡人，以前係德國) 用兩把一齊擋，或者唔好分到太開，咁可以互相幫，因為德國人本性係咁。
刺劍同斗篷(Rappier und Kappen)
首正要識點包係你隻手度，咪先你擋果時就受傷，否則就唔好用，只會阻住你。最好方法就係用劍接，再用斗篷壓走，直到你入到佢。
Nach，佢攻你，你左手捉斗篷邊角，係你左膊入面，扯出去卷係你左手。佢攻你，你用劍接，同時左手斗篷快速接上，纏住，直到你入到佢。如果你包得好好，先可以直接用斗篷手擋劍。
Nach，佢斬你，你捉你斗篷到最出，同佢同方向，上而下咁用斗篷纏蓋住佢劍，再斬佢頭。
刺劍破槍法
Nach，佢用槍，你左腳前，右Unterhut，佢高攻你，你衝入去佢槍底，頭閃側，用劍面接，你左手捉佢柄。如果佢抽柄，你就斬佢前手，再衝入，佢高攻你你又抽高擋。如果你冇自信第一下入，就閃左佢第一下先再衝入用左手捉柄。
Nach，佢刺你，你吊劍撥，走側吊住劍刺，佢再刺就再撥。佢收槍就易撥走，佢唔收就捉佢柄。
Nach，佢右斬你，你Durchgehn去你左，同時行去佢右，斬佢前手，頭傾前，唔好再比佢斬。
Nach，你右Ochs，佢刺你下身，你吊劍左斬去右再衝入。佢刺你上身，用返吊劍擋。
留言