約阿希姆‧邁雅 匕首與摔跤 Joachim Meyer Dagger and Wrestling
- Mazoo Ma
- 4天前
- 讀畢需時 7 分鐘
Oberhut︰手直高舉匕，右腳前。
第一種用匕擋︰吊匕式右向左擋
右腳前，佢刺你左，由右吊匕擋佢匕，再用匕係佢腕後勾住，匕壓緊佢腕，係上越過佢手，扯佢手去你右，再用柄頭打佢面或下巴。如果佢跟住上擋，你裹頭轉水平右向內刺佢面，最後由上向下割佢面，同時後踏。
第二種用匕擋︰反刺式下向上擋
佢左高刺，你由下向上刺擋，用腕同匕上擋住佢前臂，同時右側身轉哂去佢左，咁會擋得更實。勾實佢手，用力扯落你右，係佢手舉起前，抽你匕去你左膊，刺佢面，再刺佢胸，同時左手護面。
呢兩種擋係左右都得。
另外佢刺你左，你大力向內刺佢手內側，接近佢掌底，再由外側刺佢面，佢反刺，你打低佢。你都可以用高刺跨過佢左右刺。
Underhut︰右腳前，匕係你左大髀，匕指佢面。
佢刺你，你走佢右，係佢手外刺拉低佢，用柄頭打佢下巴，再刺佢面。
佢高刺你，你平舉匕頂佢腕，你內轉腕勾佢手落你左，再刺佢面。
Mittelhut︰匕放你腰帶高，或者直係你前。
主要用左手擋法︰
柄頭打㬹
你高架近佢，左手放你胸，佢高刺你，你反手拉直佢手，用柄頭由下向上打佢手㬹。
扭手摔
佢高刺你，你入去頂高佢手去你左，右手穿埋過去一齊捉佢右手，你右腳踏佢右髀後，你頭穿佢手臂底，摔佢或扭斷佢手。
扯手㬹
你低架，佢高刺，你衝入用匕平舉頂佢腕，你左手捉佢㬹，扯低佢手臂再刺佢。
Kreutzhut︰你雙手交叉係胸前
雙手捉你匕扭手
佢高刺你，你衝入去同時舉高雙手，用匕係佢手後雙手捉住你匕，再扭低佢手。由上向下刺佢，再越過佢面同手，係佢扭完佢手之後。
左手撥
佢高刺你，你衝入去擋，即刻用左手捉佢右手，你抽走你右手去你右下，用柄頭大力向上打，再刺佢胸。
擋下刺
佢下刺你，你用匕下平擋，左手同時捉佢右手，你柄頭打佢面，佢上抽去擋，你再刺佢面，再交叉刺。
壓佢右膊
佢衝入高刺，你匕貼你臂平擋，你左手90度角咁向下，佢刺入果時你左手反手捉佢匕，向佢右膊整甩佢，你右手都由外側壓入佢手。佢唔放匕，你右腳入佢右腳後，摔佢。
刺佢身
佢高刺，你交叉手入，你左手反手捉佢右手，再刺佢腋，或刺佢右肋，抽返你匕去你左手下，再由下刺向上大力刺佢右手，再刺住走。
左手壓佢㬹
佢高刺你右，你外刺佢右手，用腕同匕夾佢手，扯去你右，你左手壓斷佢右手㬹。
雜項技術
摔法
佢高刺你，你外側刺佢，扯佢埋你，左腳踏佢右腳後，左手捉佢左膊，扯去你左摔佢。
奪匕
佢抽匕，你直手捉佢手，佢高刺，你左手扭佢手去你右，右手反手捉佢匕，扭走佢匕。
擋下刺奪匕
佢下或直刺你面，你左手直捉佢手臂，你右手反手捉佢匕刃，奪佢匕。
左手反手摔
佢高刺，你左手反手捉佢右手，扯高佢右手，你右腳入佢右腳後，用掌底同柄頭打佢喉嚨，再摔佢。
反制
抽你右手去你度，你左手由外側向佢右手上打，揈你自己去你右邊。
握匕中間
你左腳前，攞你匕中間，柄頭突出菈。佢刺你，用左手反手擋，右腳踏前，你手舉高，轉哂右邊入佢，用柄頭由上向下打佢面，佢擋，係佢內側由下向上刺佢下巴，後退再高刺，左手控佢右手。
扯右再刺
你左手捉佢右手，你右腳上，用你柄頭由外側將佢右手向你右扯，放你左手同時直刺佢面，左腳同時踏後。
直握連刺
你右腳前，你直握你匕，你右高刺佢面，中途轉你匕去左去低刺，再大力低刺佢右手去你左膊，再刺過佢面，再高刺佢面，再平舉匕去擋佢右手。
擒拿
Durchwechslen
直刺佢面，睇到佢會擋，Durchwechslen去佢右外側刺佢，扭向你右。如果佢抽走右手，你左手由下向下追佢右手，係佢右手下刺佢面。
左手打佢右手
你距離佢一步，你匕護你臂上，由你左向佢右手打，之後左手跟上，左手捉高佢右手，刺佢胸，再平舉匕擋返佢右手匕，再係內勾低佢手，用左手捉返住。
頂刺再捉
你匕放臂上，平舉頂佢刺，左手係佢手下跟上，用柄頭打佢手㬹，再刺佢面。
企Armbar
佢刺你，你捉佢手再扯高，你頭穿過佢手底，你右腳入佢右腳後，係你膊上用力拉佢手，再用右手抱佢右腳，就斷佢手或摔佢。
貼胸轉低人
佢低刺你，用匕擋佢匕後嘅手，左手捉佢腕，再雙手捉佢一隻手，扯去你胸，甩佢個人去你右，斷佢手。
企Arm bar 左膊
佢低刺，你雙手擋，扯佢手去你右上，用左膊斷佢手。
佢捉到你手，轉手想用膊斷你手，你扯你㬹向上，勒住佢頸，你右手係佢右膊上，你左手係佢右膊上穿入捉佢喉，你右腳踩佢膝，拉到佢背落地。
佢高刺你，用交叉手擋佢匕後，你右手疊左手上，你左手反手大力捉佢腕或臂，扭佢手向上，同時右腳入佢右腳後，你右手捉佢喉，摔佢。
佢低刺你加佢左手入你胸或頸，你用右手捉佢左手係你胸去佢左，用你左邊大力推斷佢手。
佢低刺你同時入你右胸，你左手擋刺，你右手捉係你胸上嘅佢左手，你姆指係向下，你係佢手下捉佢頸，你左手抱佢膝，係你右膝上摔佢。
你左腳前，你左手係你胸，佢刺你喉，你左手係佢匕後腕大力擋佢刺，捉佢手，你右手穿佢㬹底包佢右手，右腳踏入佢前，你轉去你右邊係你左腳上摔佢。
佢刺你頸，擋開，你左手係外側圈佢右手去返你胸，右手係佢㬹底向上舉，斷佢手。
你刺佢頸，佢想圈你右手，佢捉到你果時你抽少少，你左手係佢左膊上捉返你匕頭，咁就捉到佢左手，摔低佢或捉佢喉。
反制，佢想捉佢匕尖，佢手舉緊過菈，你右手捉佢左㬹，向上推，腳入佢腳後摔佢。
佢擋你中刺，你轉刺佢手，你柄頭行先，反手兜下面，右手刺佢頸，右腳入佢左腳，左手捉佢膝，係你右腳上摔佢。
反制佢兜刺，你右手捉佢右手，左手捉佢㬹，摔佢個鼻。
你左腳前，你反手係你胸上大力擋佢高刺，你右手係底捉佢右手後，捉係你左手上，你再右腳入佢右，咁佢手同㬹都落你右膊，斷佢手，你再用左手抽走佢匕。
佢高刺你，你擋再圈佢右手，再舉你㬹埋你胸。
佢高刺，你右手大力擋，右反手捉佢右手，扯佢手去你度，大力打佢㬹，壓走佢斷佢手。
你匕放中間，係佢手下右中刺佢，刺到你左低架，佢反刺，你用柄頭打開，右長刺係佢手上刺佢頭或面。
佢捉你右手，無論係雙或單，你大力由下向上打佢㬹，或壓或推或摔跤佢。
你擔心佢支匕，你同邊手捉佢，如果佢係另一隻手抽匕，你扯佢冇果隻手埋你度，你另一隻手捉佢二頭肌，佢就刺唔到，你再摔佢。
用匕首摔跤
佢高刺你，你左反手捉佢右手係佢匕後，扭走佢，你右腳入佢同時右手穿佢右手底，舉高斷佢手。
佢高刺你，姆指向佢直手捉佢腕，搖佢手向你，就可以做反手做嘅技術。你扯同扭佢去你左，放係你胸前，用右手捉佢匕，扯走佢匕。或轉返佢手去你右，刺佢枕骨。
佢刺你，你雙手交叉，捉佢腕，扯去其中一邊，另一隻手捉佢。佢高刺，你左手入佢手低，捉佢手由內轉向外，轉你人走去你右邊，轉斷佢手。
規則
你匕刃係指你尾指果邊，你隨便咩架都得，你係佢手上刺佢先，壓低佢手，再刺佢破綻，或用柄頭打佢。你係外側刺佢，壓低佢右手，再用柄頭打佢面。如果佢擋到同上舉，你就兜佢右手下刺佢面或胸。
你刺佢內側過佢右手，你就壓低向你或你右邊，再拉同係左外側刺佢面，係佢回防前。再刺佢手同臂，再交叉刺。
你係高架，你手伸直係前硬擋。佢高刺你，你坐低頭同身，你匕兜佢手底，佢刺入你就走側，佢揮落果時係佢手上刺佢面。
你要大力左右咁攻。佢刺你左或右，上或下，你用左手打走佢手，或大力捉佢同時攻返佢破綻，或你用匕去幫你左手摔跤。咁你就扭佢右手更大力，或你削弱佢，就更易入佢。
你用匕擋，不論係你右手定點，你左手要快幫右手，雙手幾乎掂。保持一隻手跟去幫另一隻，你做摔跤同反制更易。
虛招，你攞你匕中間，左手係你面前保護。用柄頭扮高刺佢頭，再裹頭轉匕刺佢面。你正握匕，高刺佢面，同時左手護自己。佢舉高擋，你轉高刺變低刺，係佢手下刺佢面。佢再擋你再轉。
反制所有摔跤。
轉走︰佢反左手捉你右手，你轉柄頭去佢手底外側，頂住佢手腕內側，你左手捉埋你柄頭，雙手扭向上，再中或高刺佢。
如果佢正捉你手，你拉佢埋你，對佢掌心轉，如果你太弱就用埋左手幫右手。
反捉︰佢左反手捉你右手，你左手捉佢右手，雙手一齊扯佢去你度，令佢失衡。
總結︰如果佢捉你手，幾時都要用自由果隻手捉手，再扯佢令佢失衡。
_________________
Ringen (Wrestling, 摔跤)
佢捉你手，你左手捉佢左手，扯佢埋菈，你右手係佢左手外側入，用㬹頂係佢胸或下巴，你右腳入佢左腳後，摔到佢離地。
佢捉你，但未捉實，你右手捉佢右手，扯佢埋菈，左手捉佢㬹，左腳踏佢右腳前，摔佢過你腳，或落你胸係佢手斷佢手。
左手捉佢左手，扯佢埋菈，右手係外側上方入佢左手，右手捉佢右手，右腳踏佢前，甩佢去你右摔佢。
佢捉你手，你捉佢手，你鬆右手，下兜打佢右㬹，由下向上推，再捉佢右㬹，你左手穿佢右手捉返你右手，你右腳入佢腳間或佢後面，推佢走。
佢伸手想捉你，佢捉到你就外側由下方打佢㬹打走佢。
睇佢邊隻腳定，踩佢腳面。
佢踢你撚，你膝撞走佢，再踩佢腳面或踢佢撚。
佢捉你，你扭佢手指。
互捉緊，你抱佢腰掃佢腳，搖佢個人去一邊摔佢。
佢抱你想摔，你膝撞佢撚。留意佢搖你去邊一邊，再做野。
佢想抱腳摔，你身壓佢身，左手壓佢頸，右手再做野。
佢捉你想摔，你手臂大力圈佢手，另一隻手推佢二頭肌。
佢捉你膊或手，你雙手向上打，鬆開佢手，再彎腰抱佢腳，拉向你摔佢。
佢捉你，你握拳放你胸，用㬹周圍打，再睇位捉返佢。
你捉佢，扯佢埋菈，另一隻手圍佢頸落返你胸捉實你衫，抱實佢。
你捉佢右手，甩佢向上，入佢手底，右腳踏佢腳間，你右手係外側抱佢腳，拉哂佢右手上你膊，再摔佢。
你右手捉佢右手，扯佢埋菈，你左手入底捉佢左膝或泡泡褲，摔佢去你左邊。
留言